Cardi B është ndjerë ‘e pashpresë’ duke u përpjekur ta bënte të lumtur burrin e saj, Offset, në javët pas vdekjes së Takeoff.
Reperja e “WAP” tha se ajo dhe krijuesi i hiteve “Migos” janë përpjekur të jetojnë jetën e tyre “normalisht” – por kanë luftuar për të përballuar ndjenjat e tyre aktuale.
“Ne po e jetojmë jetën tonë normalisht, por thellë brenda zemrave tona ka qenë kaq e rëndë”, tha ajo për “The Neighborhood Talk”.
“Ne nuk duam asnjë simpati”, vazhdoi Cardi. “Jam ndjerë kaq e pashpresë duke u përpjekur ta bëj të lumtur burrin tim, duke u përpjekur ta bëj atë të buzëqeshë”.
Reperja “Bodak Yellow”, 30-vjeçe, tha se duke parë Offset ‘të qajë’ ia ka thyer zemrën.
Artisti u qëllua dhe u vra në një rrugicë në Houston më 1 nëntor. Ai ishte 28-vjeç.
Takeoff, emri i vërtetë i të cilit ishte Kirshnik Khari Ball, u shpall i vdekur menjëherë në vendin e ngjarjes.
Oficerët e policisë u telefonuan rreth orës 2:34 të mëngjesit me orën lokale (7:34) në lidhje me të shtënat jashtë 810 Billiards & Bowling Alley në qendër të Houstonit, ku po zhvillohej një festë private me rreth 40 persona.
Takeoff bashkë me Offset dhe Quavo kanë qenë në grupin “Migos”. /Telegrafi
