OVL-UÇK nis përgatitjet për protestën në Shkup: Ftojmë të gjithë shqiptarët të bashkohen

Organizata e Veteranëve të Luftës së Ushtrisë Çlirimtare të Kosovës ka filluar përgatitjet për protestën e radhës në Shkup, kundër padrejtësive ndaj ish-krerëve të UÇK-së që po gjykohen në Hagë.

OVL-UÇK iu ka bërë thirrje të gjithë shqiptarëve që t`i bashkohen kësaj proteste.

“Sot, në takimin me kryetarët e degëve, u diskutua lidhur me përgatitjet e fundit për protestën e 13 dhjetorit, e cila do të mbahet në Sheshin ‘Skënderbeu’ në ora 13:00 në Shkup. Ftojmë të gjithë shqiptarët të bashkohen me ne në këtë protestë”, thuhet në komunikatë për media.