Orët e para të mëngjesit të sotëm ishin tragjike për 18-vjeçaren G.R. Ajo humbi jetën pas një vetaksidenti në magjistralen Prishtinë – Ferizaj.
Përveç saj, nga ky vetaksident i rëndë u lëndua edhe një person tjetër.
Në pamjet e siguruara shihet se vetura është shkatërruar pothuajse krejtësisht.
Rastin për Indeksonline e ka konfirmuar edhe zëdhënësi i Policisë për Rajonin e Prishtinës, Agron Borovci.
“Rreth orës 04:30, në rrugën Prishtinë-Ferizaj, ka ndodhur një vetaksident komunikacioni rrugor. Si pasojë e këtij vetaksidenti një person (femër) ka humbur jetën ndërsa një tjetër ka pësuar lëndime trupore dhe e njëjta është dërguar për trajtimin e nevojshëm mjekësor. Policia ka dalë në vendin e ngjarjes dhe ka nisur një hetim për zbardhjen e shkaqeve të këtij aksidenti”, ka thënë Borovci.