Mbi 40 fakultete shtetërore në Serbi zyrtarisht janë në bllokada. Po ashtu edhe në Novi Sad të gjitha fakultetet janë të mbyllura.
Studentët në Serbi sot kanë bërë nderimet e tyre për viktimat e tragjedisë në Novi Sad që ndodhi para disa javësh – shembja e një strehe që la të vdekur disa persona- duke bllokuar rrugët për 15 minuta dhe duke qëndruar para fakulteteve të tyre.
Rreth orës 19:00 studentët janë mbledhur para Radiotelevizionit të Serbisë për të prishur me zhurmë transmetimin e e emisionit të lajmeve në orën 19:30, pasi ky televizion nuk ka publikuar informacione për aktivitetet e tyre, por edhe kundër Vuçiq pasi i ka akuzuar sepse se studentët janë paguar për t’i organizuar këto protesta.
Të gjitha mbledhjet e fakulteteve të Beogradit që janë në bllokadë thanë se kërkesat e tyre nuk janë përmbushur, duke aluduar në deklaratën e mbrëmshme të presidentit të Serbisë, Aleksandar Vuçiq, se i ka përmbushur të gjitha kërkesat e studentëve dhe se ato tani mund t’i përfundojnë bllokadat.
