Guvernatori i Kalifornisë së SHBA-ve planifikon të mbyllë të gjitha plazhet dhe parqet shtetërore, bëri të ditur në një konferencë për shtyp sot pasi temperaturat e larta e çuan në grumbullime masive në vikendin e kaluar.
Gavin Newsom, guvernatori i shtetit, pritet të njoftojë shtrëngimin e kufizimeve të enjten në një konferencë për shtyp, sipas FOX 11, transmeton lajmi.net.
“Pas pamjeve të publikuara në media të plazheve të mbipopulluara këtë fundjavë të kaluar, rregulli i ri do detyrojë që nesër plazhet dhe të gjitha parqet shtetërore në Kaliforni të mbyllen”, thuhet në një shkresë.
Në fotografitë e marra më 25 prill, njerëzit shihen duke shijuar temperaturat e larta në plazh, në mes të pandemisë së koronavirusit në Huntington Beach, Kaliforni.
“Ky virus nuk njeh fundjavat, ky virus nuk shkon në shtëpi sepse paraqitet një ditë e bukur në bregdetin tonë,” tha guvernatori.
Sipas këshillave të Organizatës Botërore të Shëndetit, njerëzit duhet të qëndrojnë të paktën dymetra larg njëri-tjetrit; heqin dorë nga grumbullimi në grupe; dhe qëndrojnë larg tubimeve masive.
Gjatë fundjavës, të gjitha këto rekomandime u injoruan.
