Papa Françesku dërgohet në spital për trajtimin e bronkitit

Papa Françesku u dërgua në spital të premten në mëngjes për analiza dhe për të vazhduar trajtimin e bronkitit të tij të vazhdueshëm, tha Vatikani.

“Këtë mëngjes, në fund të audiencës së tij, Papa Françesku u pranua në Poliklinkën Agostino Gemelli për disa teste të nevojshme diagnostike dhe për të vazhduar trajtimin e tij për bronkitin, i cili është ende në vazhdim, në një mjedis spitalor”, thuhet në një deklaratë, raporton Reuters, transmeton Klankosova.tv.

Françesku, 88 vjeç, ka qenë Papë që nga viti 2013 dhe ka vuajtur nga gripi dhe probleme të tjera shëndetësore disa herë gjatë dy viteve të fundit.