Paradite moti me diell, pasdite priten reshje shiu

Instituti Hidrometeorologjik i Kosovës ka njoftuar se situatë e ngjashme meteorologjike do të vazhdoj edhe gjatë ditës së sotme.

Në pjesën e parë të ditës mot kryesisht me diell por që vranësirat konvektive do të fillojnë nga gjysma e ditës, ku më pas, në orët e pasdites do të jenë në zhvillim, për të krijuar kushte për reshje shiu.

Në zona të kufizuara rrezikohet të ketë edhe stuhi lokale me breshër. Temperaturat mbesin konstante me ditët e fundit.

Do të fryjë erë nga drejtimi i jugperëndimit dhe verilindjes e lehtë dhe lokalisht e fortë.