Pas 40 vitesh falimenton marka e njohur e modës në Gjermani

nga Revista Kosovarja

Marka e njohur e modës, “Madeleine” ka bërë kërkesë për të shpallur falimentimin në Gjermani, pas 40 vitesh aktivitet, teksa bëhet me dije se inflacioni i lartë ka cuar në rritje të konsiderueshme të kostove të prodhimit, cfarë i ka cuar në marrjen e kësaj mase.

“Kompania ka paraqitur kërkesë për falimentim. Në të njëjtën kohë, duke pasur parasysh rritjen e kostos së jetesës, klientët tanë ulin shpenzimet e tyre ose paratë shpenzohen në fusha të tjera,” tha drejtoresha e kompanise Danijela Angerer për Wirtschaftswoche (WiWo).

Megjithatë, zinxhiri i modës nuk do ta mbyllë plotësisht punën e tij, teksa eksperti i ristrukturimit Deflef Specovius bëri me dije se procedura e falimentimit duhet t’i mundësojë investitorit që të ketë mundësinë të jetë pjesë e ristrukturimit të markës së njohur. Daniela Angerer planifikon të riorganizojë Madeleine dhe “t’i japë kompanisë një perspektivë afatgjatë“. Me paratë që do të “kursehen” nga shpallja e falimentimit do të sigurohen pagat e 230 punonjësve për tre muajt e ardhshëm, ndërsa siç shpjegon drejtoresha, marka do të ndryshojë tërësisht, duke u larguar nga veshjet elegante dhe moderne:

“Do të prezantohen kryesisht ‘veshjet casual’. Duke vepruar kështu, ne do të largohemi shumë nga vlerat origjinale të markës. Megjithatë, duke shkuar përpara, kompania e cila tashmë funksionon më së shumti online dhe që ekziston për gati 40 vjet, do të donte të rikthehet në vlerat origjinale dhe atë c’ka përfaqëson marka.”

Kjo faqe kontrollohet dhe menaxhohet nga stafi i Revistës Kosovarja
Adresa: Rruga: “Ali Hadri”-nr.16 Prishtinë, Kosovë
REDAKSIA: +38344143448; Email: [email protected]