Ndonëse nuk e kanë konfirmuar ende, tashmë veprimet e Ledrit dhe Sarës na çojnë në një pikë, dyshja duket se i kanë dhënë vërtet fund lidhjes së tyre disa vjeçare.
Siç edhe e kemi parë në postimet e saj në rrjete sociale, prej javësh Sara po jeton jetën mes Tiranës dhe Prishtinës.
Në fakt ka një arsye pse blogerja po shpenzon kaq shumë kohë në kryeqytetin e Shqipërisë.
Bëhet me dije se Sara ka vendosur të bëhet pjesë e ekranit. Pas eksperiencës së saj si aktore, tashmë Sara po përgatitet për një post në ekranet shqiptare si moderatore, shkruan ‘Vip Magazine’.
Mesa duket, me këtë lëvizje Kosova është një kapitull i mbyllur për të dhe projektet e planet e reja për jetën janë zhvendosur në Tiranë.
Në fillim u aludua se ndarja e çiftit ishte një formë marketingu për të bërë bujë e për t’u përfolur por duket se gjërat u bënë serioze pas deklaratës së menaxherit të reperit, Faton Shoshi i cili shuajti zërat duke konfirmuar ndarjen e dyshes.
