Shakira si duket e ka gjetur një të dashur të ri në Miami, sipas pretendimeve nga mediat spanjolle.
Kantautorja kolumbiane, po zhvendoset në Florida pasi nënshkroi një marrëveshje për kujdestarinë e fëmijëve me ish- partnerin e saj, Gerard Pique.
Faqja e internetit raportoi në fundjavë: “Duket se këngëtarja kolumbiane mund të kishte gjetur një iluzion të ri në formën e një burri misterioz që me sa duket e takoi në Miami dhe ka qenë në kontakt me të për katër muaj”.
Ai nuk ofroi më shumë detaje, përveçse të thoshte se njeriu misterioz nuk ishte Antonio de la Rua, me të cilin u takua përpara se të takonte Piquen në Kupën e Botës 2010, ku Shakira performoi këngën e saj hit “Waka Waka”.
Çifti, që u nda në maj pas 11 vitesh së bashku, konfirmoi në nëntor se kishin arritur një marrëveshje pas një negocimi të stërzgjatur, i cili arriti në krye me një takim maratonë 12-orësh me avokatët e tyre.
Ata nënshkruan marrëveshjen në një gjykatë në Barcelonë muajin e ardhshëm.
Si pjesë e marrëveshjes, futbollisti i pensionuar Pique, tashmë në lidhje me bukuroshen Clara Chia, 23 vjeçe, do të kalojë pushimet me fëmijët e tij.
