Prej kohësh në rrjet është përfolur për një lidhje mes Sara Hoxhës dhe biznesmenit Erik Fullani, dhe duket se romanca mes tyre po bëhet gjithnjë e më e dukshme.
Së fundmi, çifti është parë së bashku në jug të Shqipërisë, ku kanë kaluar disa ditë pushimi për ditëlindjen e Sarës.
Një foto e siguruar nga pushuesit i shfaqte ata në shoqërinë e njëri-tjetrit, të buzëqeshur dhe mjaft të afërt, duke forcuar bindjen se thashethemet për lidhjen nuk janë të pabaza.
E duket se Erik e ka pritur Sarën me një buqetë lulesh në kthim, megjithëse kjo nuk mund të thuhet me siguri.
Ajo që është e konfirmuar është një story e publikuar në Instagram nga Sara, ku shfaqeshin trëndafila të bardhë dhe një shënim i shkurtër me mbishkrimin: “Mirë se erdhe në shtëpi”.
Sara e shoqëroi postimin me një mesazh domethënës duke u shprehur: “Shpirtat e mëdhenj gjejnë lumturi në gjëra të vogla.”
Një gjest i thjeshtë, por që lë të kuptohet shumë për natyrën e marrëdhënies mes tyre.
Edhe pse asnjëri prej tyre nuk e ka konfirmuar zyrtarisht lidhjen, shenjat flasin vetë: një raport i freskët, i ndërtuar mbi kujdes dhe afeksion të ndërsjellë.
Mbetet të shihet kur do të vijë postimi i shumëpritur që do ta bëjë publike këtë lidhje.
