Përditë po e bën popullin më të varfër
Përditë po e zvogëlon bukën e gojës
Përditë e varfëron sofrën e familjes
Përditë na varfëron fëmijët tanë
Përditë na e vjedh gjumin nga skamja
Përditë na bën më shumë skamnorë
Përnatë e më shumë flemë të uritur
Përditë e më pak kemi fëmijë
Dhe vazhdon kështu rruga e popullit
Vazhdon kështu jeta pa mbarim
Vjen një dhe shkon politika tjetër
Çdo ditë lind nga një mashtrim i ri
Përditë e më shumë vriten ëndrrat e dëshmorëve
Përditë e më shumë rriten lotët e jetimëve
Përditë e më shumë zhgënjime
Përditë e më shumë vritet liria
Gjithnjë e më shumë përçajnë
Gjithnjë e më shumë na e ndajnë edhe varret
Rriten hileqarët , zvogëlohet nderi
Na e përçajnë fenë e kombit
Na e pluhurosin lulet e fluturave
Përditë më shumë hajni
Përditë më pak të dënuar
Patriotë të kamufluar luftëtarë të dëshpëruar
Përditë e më shumë paqartësi
Përditë e më pak shtet
Përditë e më shumë ëndrra për tytat
Përditë e më shumë rrugë të botës
Përditë e më shumë ndarje të familjes
Përditë më pak popull
Përditë më shumë politikë
Koha për t’i dhënë mend politikës
Për t’i dhënë fund robërisë
Varfërisë që mund të lindë aq shumë Migjena
Aq shumë të zemëruar me rrugët tona
/Safet Krivaça/Kosovarja/
