Pushteti serb në vitet e 90-ta kishte mbyllur shkollat shqipe në Kosovës, duke i detyruar kështu nxënësit të mësonin ilegalisht nëpër shkolla-shtëpi.
Të gjitha shkollave iu dha një dokument i vulosur nga pala serbe, ku urdhëroheshin mësuesit të lajmëronin nxënësit për ndërprerje të mësimit.Ndërsa tani 30 vjet më vonë disa ish-arsimtarë vendosën që për këtë vendim të ngrenë padi ndaj Serbisë në Gjykatën e Strasburgut.
Ani se nuk dihet ende data e saktë se kur pritet të dorëzohet kjo ankesë atje, ajo do të përmbajë edhe dokumente të cilat dëshmojnë për ndërprerjen e jashtëligjshme edhe të aktiviteteve kulturore, kryerjen e krimeve në zonën e Llapit, por edhe për helmimin e nxënësve asokohe.