Kryetari i Prishtinës Përparim Rama, mbrëmë ka takuar qytetarët e lagjeve “Prishtina e Vjetër”dhe “Dodona”’, me të cilët ka folur për hallet e tyre dhe njëherit ka diskutuar edhe për Planin Zhvillimor Urban për këto pjesë të qytetit
Në këtë takim morën pjesë dhe diskutuan edhe Alban Zogaj, nëkryetar , Florian Dushi , Drejtor i inspekcionit, Mimoza Sylejmani ,drejtoreshë e zhvillimit ekonomik , Arbër Sadiku, drejtor i urbanizmit .
Qeverisja lokale e Prishtines në krye me Përparim Ramen, deri më tani në pjesën e “Prishtines së Vjeter”, ka realizuar disa punë mëse të nevojshme, si ndryshimin e pamjes së shkollës “Elena Gjika”, duke e lyer atë së jashtmi dhe ka hequr mbeturinat e hapësirës publike prapa kësaj shkolle, në rrugën “Ali Hadri”, duke e shndërruar atë në një lulishte të këndshme.
I interesuar të informohet për problemet e qytetarëve të Prishtinës, Rama po zhvillon takime të rregullta me banorët e të gjitha lagjeve të kryeqytetit. Vlen të përmendet se është i vetmi kryetar, i cili i ka vizituar banorët edhe pas fushatës zgjedhore, duke dhënë një shembull të mirë të interaktivitetit.
Përparim Rama po i realizon projektet e premtuara për Prishtinën dhe qytetarët e kryeqytetit, kanë filluar të kenë shpresa se më në fund një kryetar ka filluar të qeverisë me Prishtinën, duke bashkëpunuar me qytetarët për zgjidhjen e problemeve evidente./Kosovarja/
