Çokollata është një ëmbëlsirë e preferuar për shumë njerëz
A jeni edhe ju një adhurues i çokollatës, a mund ta hani atë pa kufi dhe të pyesni veten se çfarë është kaq e parezistueshme në këtë delikatesë?
Studiuesit nga Universiteti i Leeds në Angli thonë se kanë thyer kodin se çfarë e bën çokollatën kaq të parezistueshme. Ata publikuan gjetjet e tyre në studimin e ri, të botuar në ACS Applied Materials and Interfaces.
Studiuesit thonë se shumica e dëshirës varet nga mënyra se si shkrihet çokollata në gojën tuaj, shkruan Healthline, përcjell Telegrafi.
Ata kanë arritur në këtë përfundim pasi kanë ekzaminuar çdo hap mekanik në procesin e ngrënies së çokollatës.
Pse çokollata sjell një kënaqësi të tillë?
Rezultatet e studimit të tyre sugjerojnë se njerëzit e pëlqejnë çokollatën kryesisht për shkak të ndjenjës dhe strukturës së përmbajtjes së yndyrës në shtresat më të jashtme të saj, të cilat shpërbëhen në gojën tonë ndërsa përtypim.
Kënaqësia që marrim nga ngrënia e çokollatës vjen kryesisht nga mënyra se si gjuha dhe gjëndrat tona të pështymës ndërveprojnë me përmbajtjen e yndyrës së çokollatës. /Telegrafi/
