Pesë raste të dhunës në familje janë përfshirë në raportin e sotëm 24 orësh të Policisë së Kosovës.
Katër prej tyre kanë ndodhur në rajonin e Prishtinës dhe një në Malishevë.
Në Prishtinë janë përleshur babë e bir.
“Prishtinë 09.07.2025 – 00:10. Raportohet se pas një mosmarrëveshje janë përleshur ndërmjet vete dy të dyshuar meshkuj kosovarë (babë e bir). Palët janë sjellë në stacion dhe pas inicimit të rastit me vendim të prokurorit janë liruar në procedurë të rregullt.”
Ndërsa në Graçnicë një burrë dyshohet se ka ushtruar dhunë fizike dhe psikike ndaj partnerës së tij për dy vite.
“Graqanicë 03.07.2025-11:00. Është raportuar se me datën e cekur i dyshuari mashkull kosovar, për rreth dy vite, ka ushtruar dhunë fizike dhe psikike ndaj viktimës me të cilin ka bashkëjetuar dhe po ashtu i kishte marrë edhe çantën në cilën kishte dokumente personale, telefonin dhe raporte mjekësore. Viktimës i është ofruar tretman mjekësor, ndërsa i dyshuari pas intervistimit, në konsultim me prokurorin është liruar në procedurë të rregullt.”
Një grua ka raportuar se ka pësuar dhunë fizike nga prindi i saj.
“Prishtinë 09.07.2025 – 20:00. Është raportuar se viktima femër kosovare, ka pësuar dhunë fizike nga prindi i saj. Me vendim të prokurorit i dyshuari pas inicimit të rastit është liruar në procedurë të rregullt.”
Po ashtu një person është arrestuar në Prishtinë nën dyshimin për dhunë ndaj bashkëshortes së tij.
“Prishtinë 09.07.2025–22:00. Është arrestuar një i dyshuar mashkull kosovar, pasi që i njëjti kishte ushtruar dhunë ndaj bashkëshortes së tij. Viktima ka refuzuar tretman mjekësor. Me vendim të prokurorit rasti iniciohet si më lartë dhe më pas i dyshuari është dërguar në mbajtje.”
Në Malishevë një grua e ka raportuar burrin për dhunë.
“Malishevë 06.07.2025 – NN. Më 09.07.2025 ankuesja femër kosovare, ka njoftuar policinë se ka pasur dhunë nga bashkëshorti i saj. Nga i dyshuari është sekuestruar një armë gjuetie me 16 fishekë. Me vendim të prokurorit i dyshuari pas inicimit të rastit është dërguar në mbajtje.”
