Peshkaqenët e bardhë rriten zakonisht deri në 6 metra, e një i tillë ia ka kafshuar kokën një zhytësi në Meksikë, në sulmin më vdekjeprurës nga peshkaqeni në këtë rajon, raportojnë mediat amerikane.
Manuel Lopez ishte zhytur në kërkim të thesareve në Tobardi, kur u sulmua dhe u mbyt para syve të shumë peshkatarëve të asaj zone, transmeton Telegrafi.
“Ishte zhytur në ujë kur u sulmua nga peshkaqeni, ia këputi kokën duke e kafshuar në të dyja anët e kraharorëve”, tha Jose Bernal për mediat lokale, duke shtuar se zhytësi janë paralajmëruar për peshkaqenët e bardhë, por ata thjesht shpërfillën çdo këshillë.
Megjithatë, Lopez kishte vendosur të vazhdojë tutje, pasi kishte nevojë për para dhe shpresonte të gjente ndonjë thesar, por ky veprim i kushtoi me jetë.
Kjo nuk është hera e parë që peshkaqenët sulmojnë dhe mbysin zhytësi në ujërat e Meksikës, por këputja e kokës po konsiderohet si sulmi më brutal.
