Policia ka arrestuar dy aktivistët e PSD-së, Frashër Krasniqin dhe Zgjim Hysenaj, gjatë një aksioni simbolik që ata kanë mbajtur në Prishtinë.
Lajmi është konfirmuar nga Kryetari i PSD-së, Dardan Molliqaj, i cili ka thënë se arrestimet u bënë gjatë aksionit të PSD-së.
Molliqaj ka thënë se ata janë arrestuar për shkak te mbishkrimeve që kanë vënë në mure afër zyrës së BE-së, gjatë aksionit simbolik.
“Gjatë aksionit të PSD-së kundër deklaratës së Lajçakut për Asociacionin kundër kushtetues u arrestuan dy aktivistët Zgjim Hyseni dhe Frashër Krasniqi. Është i papranueshëm zelli i Policisë së Kosovës që të arrestojnë aktivistët politik që shprehin bindjet e tyre përmes aksioneve paqësore. Çdo arrestim i tillë është veçse politik prandaj është i pa tolerueshëm. Kërkojmë lirimin e menjëhershëm të aktivistëve Zgjim Hyseni dhe Frashër Krasniqi”, shkruan Molliqaj.
https://www.facebook.com/dardanmolliqaj2/posts/3639739009381307
