Policia e Kosovës deklarohet për sulmin ndaj EULEX-it që ndodhi tri ditë më parë në veri

Policia e Kosovës në raportin 24 orësh ka dhënë disa detaje lidhur me sulmin ndaj forcave të EULEX-it në veri të Kosovës, i cili kishte ndodhur tri ditë më parë.

Sulmi kishte ndodhur në fshatin Rudar në Zveçan, ku ishte hedhur shok bombë ndaj patrullës monitoruese të EULEX-it, transmeton lajmi.net.

Policia me këtë rast ka njoftuar se nuk është raportuar për të lënduar dhe nuk kishte as dëme materiale.

Njoftimi i plotë:

INCIDENTET KRIMINALE RREZIKIM I PERSONAVE NËN MBROJTJE NDËRKOMBËTARE

Fsh. Rudar, Zveçan 10.12.2022 – Në datën e cekur është raportuar se nga persona NN ka pasur sulm me bombë çorientuese (shok bombë) ndaj patrullës monitoruese të EULEX-it. Nuk raportohet për të lënduar dhe as dëme materiale.