Drejtoria Rajonale e Policisë Gjilan, në vazhdën e implementimit të planit operacional ‘’Siguria në shkolla’’ me datën 25.10.2022 në shkollën e mesme të ulët ‘’Liria’’ në fshatin Pogragjë ka realizuar një ligjëratë vetëdijesuese kundër dukurive negative në shkolla me temë: ,,Delikuenca e të miturve’’, ‘’Dukuritë negative në shoqëri’’ dhe ‘’Dhuna në familje’’.
Bëhet e ditur se ligjërata është realizuar me nxënës të klasave VII, VIII dhe IX, ndërsa pjesëmarrës kanë qenë një numër i konsiderueshëm i tyre.
“Nxënësit nëpërmjet këtyre ligjëratave kanë pasur mundësi që të marrin njohuri rreth këtyre dukurive negative dhe njëkohësisht kanë qenë të inkuadruar në bashkëbisedim për mundësinë e ndikimit në parandalim të këtyre dukurive”.
Nga zyra për Informim e policisë po ashtu theksohet se ligjëratat janë mirëpritur dhe vlerësuar pozitivisht dhe si shumë të dobishme edhe nga drejtoria e shkollës dhe personeli arsimor, dhe se Drejtoria Rajonale e Policisë Gjilan do të vazhdojë edhe më tej me ligjërata vetëdijesuese me qëllim të parandalimit të dukurive negative dhe rritjes së nivelit të sigurisë në ambientet shkollore.
