Policia Rrugore i bllokon patentën Shkëlzen Berishës, djalit të ish-kryeministrit Sali Berisha, si dhe Ermal Mamaqit, moderatorit të njohur.Sipas burimeve të Gazeta “SHQIP” ngjarja ka ndodhur mbrëmjen e së Shtunës rreth orës 23:00.
Policia rrugore gjatë kontrollit të ngritur tek rrethrrotullimi i TEG, pranë autostradës Tiranë-Elbasan, ka ndalur për tejkalim shpejtësie, Shkëlzen Berishën dhe Ermalin Mamaqin, që udhëtonin me makina të ndryshme.
Vendimi për bllokimin e patentës është marrë nga Ledian Kërka, shefi i linjave në Policinë Rrugore, pasi është konstatuar se djali i ish-kryeministrit, që udhëtonte me makinën e tipit “Benz” S320 udhëtonte me 127 km/orë.
Sa i përket Ermal Mamaqit, policia ka konstatuar se po i jepte makinës “Renault” me një shpejtësi prej 120 km/orë.
Sipas burimeve të Gazeta “Shqip” fillimisht policia rrugore ka ndaluar moderatorin dhe aktorin Mamaqi. Ai nuk ka bërë rezistencë gjatë ndalimit nga policia dhe se ka pranuar dorëzimin e patentës.Pas 10 minutash, gjatë kontrollit të policisë është vërejtur se automjeti tip “Benz” S320 po ecte me një shpejtësi prej 127 km/orë., të cili po e udhëtonte Berisha.
