Policia e Kosovës ka kontrolluar një shtëpi në rrugën “Ismail Qemali” në Prishtinë. Në të është gjetur armatim i llojit të ndryshëm dhe që të gjitha janë konfiskuar.
Policia e Kosovës i ka arrestuar dy persona pas kontrollit në këtë shtëpi.
“Janë arrestuar dy të dyshuar meshkuj kosovar pasi që gjatë kontrollit në shtëpinë e tyre janë gjetur dhe konfiskuar: një pushkë gjuetie, 57 copa fishekë të pushkës së gjuetisë, një këllëf i pushkës së gjuetisë, një Scorpion, Mod 92 Fs në formë të shkrebzës, dy revole, 43 copa fishekë, 26 copa fishekë me gaz, tre karikatorë të ndryshëm, 3 spreja, 2 spreja për pastrimin e armëve, 1 këllëf i pistoletës, 3 thika me këllëf dhe 1 brisk të vogël. Pas intervistimit me vendim të prokurorit të dyshuarit janë dërguar në mbajtje” thuhet në raportin e Policisë.
