Policia e Kosovës – Drejtoria Rajonale e Policisë në Pejë, ka lëshuar kërkesë për bashkëpunim me qytetarë për arrestimin e Kushtrim Bojaj nga Klina.
“Kushtrim (Luan) Bojaj i lindur më 10.06.1995 në Klinë është i dënuar dhe i kërkuar për veprat penale “Vjedhje e rëndë””, thuhet në njoftimin e policisë.
Policia e Kosovës kërkon nga qytetarët e Republikës së Kosovës që kushdo që ka informacion për vendndodhjen e personit të dyshuar në foton e bashkangjitur, të lajmërojë Policinë e Kosovës apo të lajmërohet në stacionin më të afërt policor.
Ne kuadër te Drejtorisë Rajonale te Policisë ne Peje gjate javës qe po lëmë pas ka realizuar 9 (Nëntë) urdhëresa te gjykatës dhe të dyshuarit janë dërguar në vuajtje te dënimit.
“Falë bashkëpunimit me qytetarët kemi arritur të realizojmë urdhëresat e lartcekura, andaj presim qe edhe në të ardhmen një bashkëpunim i tillë të vazhdoj. Drejtoria Rajonale e Policisë në Pejë, çdo të Premte do të publikojë nga një ose më shumë persona në kërkim, për të cilët kërkohet ndihma e qytetarëve me qellim, sjelljen e tyre para drejtësisë”, thuhet në njoftim.
