Presidenti iranian Masoud Pezeshkian ka vendosur tre kushte themelore për përfundimin e luftës në një postim në rrjetet sociale. Ai tha se në bisedimet me udhëheqësit e Rusisë dhe Pakistanit, përsëriti angazhimin e Teheranit për paqen në rajon.
Sipas tij, për t’i dhënë fund luftës, të cilën ai ia atribuon Izraelit dhe Shteteve të Bashkuara, duhet të njihen “të drejtat legjitime” të Iranit, duhet të paguhet kompensimi dhe duhet të jepen garanci të forta ndërkombëtare për të parandaluar sulme të ardhshme.
Qindra njerëz janë vrarë në të gjithë Lindjen e Mesme që kur SHBA-të dhe Izraeli sulmuan Iranin më 28 shkurt, me vendet e Gjirit që strehojnë baza dhe personel ushtarak amerikan, si dhe Libanin, të përfshira shpejt në konflikt. Shifra e viktimave për 11 vendet e Gjirit dhe Lindjes së mesme shkon në rreth 2 mijë, mes tyre edhe personel ushtarak.
Talking to leaders of Russia and Pakistan, I reaffirmed Iran’s commitment to peace in the region. The only way to end this war—ignited by the Zionist regime & US—is recognizing Iran’s legitimate rights, payment of reparations, and firm int’l guarantees against future aggression.
— Masoud Pezeshkian (@drpezeshkian) March 11, 2026
