Presidenti i Italisë, Sergio Mattarella, ka theksuar se ekziston një rrezik jashtëzakonisht i madh i ndërhyrjeve të jashtme në Ballkanin Perëndimor.
Gjatë një ceremonie të urimeve për kontingjentet italiane të angazhuara në operacione ndërkombëtare, ku foli me misionin komandues të KFOR-it italian në Kosovë, Mattarella ka nënvizuar rëndësinë e klimës së qetë në rajon për integrimin e Ballkanit në Bashkimin Evropian.
“Përfshirja e të gjithë rajonit të Ballkanit në BE kërkon qetësi. Për 25 vite, KFOR-i është përkushtuar ndaj kësaj misioni. Kam ndjekur nga afër situatën dhe kam vërejtur se tensionet lokale ndonjëherë nxehen qëllimisht, duke e vështirësuar dialogun mes Beogradit dhe Prishtinës. Misioni juaj për ta mbajtur këtë dialog gjallë është jetik,” tha Presidenti Mattarella, raporton ANSA.
Ai shtoi se pa praninë e KFOR-it gjatë viteve të fundit, do të kishte pasur shpërthime të dhunshme që mund të kishin shkatërruar vendin.
Këto komente vijnë në një kohë kur tensionet në rajon janë ende të larta, duke e bërë rolin e misioneve ndërkombëtare thelbësor për stabilitetin e Ballkanit Perëndimor./Telegrafi
