Malësorja e Deçanit, një personalitet i rrallë, ishte në mesin e të ftuarve nga presidentja Vjosa Osmani në Darkën e Lamës, një ngjarje që simbolizon begatinë dhe që çdo vit mbledh figura të rëndësishme të vendit, si dhe personalitete të shumta që kontribuojnë për Kosovën.
Një moment shumë i veçantë gjatë kësaj mbrëmjeje ishte befasia që presidentja Osmani i bëri Malësorës së Deçanit, e cila kishte ditëlindjen.
Befasia ishte një urim i veçantë përmes tingujve të mandolinës.
[social_embed link=”https://www.tiktok.com/@florimkrasniqi743/video/7563516947774704907″ align=”center”]
E surprizuar nga ky moment, Malësorja e Deçanit mori fjalën për të falënderuar presidenten për këtë dhuratë të veçantë dhe i dedikoi një këngë që i kushtohet ish-presidentit historik të Kosovës, Ibrahim Rugovës.
Me zërin e saj, ajo emocionoi të gjithë të pranishmit në atë mbrëmje të bukur.
Në një moment, ajo i dhuroi presidentes Osmani një përqafim dhe theksoi se ishte kënaqësi e madhe të ishte pjesë e kësaj darke.
Presidentja e Kosovës, në një postim në rrjetet sociale, ka shkruar për simbolikën e kësaj ngjarjeje të veçantë.
[social_embed link=”https://www.tiktok.com/@florimkrasniqi743/photo/7563681337211768076″ align=”center”]
