Katër persona janë lënduar si pasojë e një aksidenti mes një treni dhe një veture tek “Përroi i Njelmët” në Prishtinë.
Lajmin për Klan Kosova e ka konfirmuar Flora Ahmeti, zëdhënëse e policisë për rajonin e Prishtinës.
“Rreth orës 16:00 kemi pranuar informatën për një aksident trafiku në lagjen “Përroi i Njelmët” në Prishtinë. Në këtë aksident ka qenë i përfshirë një tren dhe një veturë. Si pasojë e aksidentit lëndime trupore kanë pësuar katër persona”.
Personat e lënduar janë dërguar për tretman mjekësor, ndërkohë që me rastin po merret Njësiti i Trafikut Rrugor.