Kryeministri i Kosovës, Albin Kurti, ka treguar se sot kanë përmbyllur procesin e ofertimit për ankandin e parë solar 100 megavatësh.
Ai ka thënë se kanë pranuar gjashtë oferta, duke treguar se deri më 3 shkurt mund të pranohen edhe të tjera përmes postës.
“Ankandi është sukses drejt ndërtimit të kapaciteteve të reja me çmimin më të përballueshëm për qytetarët, kurse procesi i realizimit të tij është sukses i transparencës e konkurrencës në sektor”, ka shkruar Kurti në Facebook.
“Për herë të parë në vendin tonë po realizohet një skemë e tillë konkurruese, ku kompanitë e kualifikuara vijnë të garojnë për të investuar në Kosovë. Ministria e Ekonomisë me përkrahje të USAID ka dizajnuar një skemë tërheqëse për këto kompani. Pas ankandit të parë, në radhë janë skemat tjera konkurruese për realizimin e 950 megavatëve nga burimet e erës dhe diellit”, ka thënë ai.
https://www.facebook.com/watch/?v=401019549055486
