185
Ndaj ndërtesës së ambasadës të SHBA-së në Bejrut është hapur zjarr nga persona ende të pa identifikuar. Sipas lajmeve në median e Libanit, një sulm i armatosur është kryer ndaj ndërtesës së ambasadës amerikane në Bejrut, e cila ndodhet në veri të kryeqytetit.
Si pasojë e zjarrit të hapur nga jashtë, disa plumba goditën derën kryesore të ndërtesës dhe automjetet që ndodheshin në parking përpara.
Deri më tani nuk bëhet e ditur se me çfarë lloj arme është kryer sulmi dhe nëse ka apo jo humbje jete ose të plagosur.
Ndërkohë, nga ambasada nuk është bërë ende ndonjë deklaratë lidhur me sulmin. Thuhet se ngjarja ka përkuar me 39-vjetorin e sulmit të kryer me autobombë ndaj ndërtesës së ambasadës së SHBA-së më 20 shtator të vitit 1984.
