Një oficer i lartë i inteligjencës ukrainase është qëlluar për vdekje në mes të ditës në Kiev, thanë zyrtarët.
Siç shkruan BBC, transmeton Klankosova.tv, agjenti i Shërbimit të Sigurisë së Brendshme të Ukrainës (SBU) u qëllua disa herë në një parking makinash, pasi iu afrua një sulmues i paidentifikuar, i cili më pas u largua nga vendi i ngjarjes, sipas pamjeve që qarkulluan në mediat sociale.
Agjencia e spiunazhit nuk e identifikoi viktimën, megjithëse mediat ukrainase e kanë përmendur atë si Kolonel Ivan Voronych.
SBU-ja merret kryesisht me sigurinë e brendshme dhe kundërzbulimin, e ngjashme me MI5 të Mbretërisë së Bashkuar. Por që nga fillimi i pushtimit në shkallë të plotë të Rusisë në vitin 2022, ajo ka luajtur gjithashtu një rol të spikatur në vrasjet dhe sulmet sabotuese thellë brenda Rusisë. / Klankosova.tv
