Dyshimet se në veriun e Kosovës po shpenzohet rrymë enorme për prodhimin e kriptovalutave, po e pushtojnë shtypin e vendit, shkruan “Kosovarja”.
Duke e shfrytëzuar “mëshirën” e shtetit t’ua paguajë rrymën serbëve andej lumit Ibër, burime të sigurta thonë se në atë pjesë të vendit janë sjellë nga Serbia mijëra pajisje, e që shpenzojnë shumë rrymë për prodhimin e valutave digjitale.
Në shtypin e vendit dhe në atë lokal, citohen burime lajmesh se pajisjet janë sjellë nga Serbia, duke pasur parasysh se shpenzimet e rrymës i paguan qeveria e Kosovës.
Shpenzime enorme të rrymës po bëhen edhe në përdorimin e mjeteve të shumta të punës për ndërtimin e lagjeve, konkretisht të “Luginës së Diellit”, por edhe në lagje të tjera të reja, të cilat po i ngritë Serbia prej vitesh gjatë mandateve të të gjitha qeverive, përfshirë edhe qeverinë Kurti, e cila nuk e ka thënë akoma asnjë fjalë rreth investimeve kolonizuese të Serbisë në veri të Kosovës.
Qeveria, nëpërmjet Armend Mujës, ka thënë se është dyfishuar prodhimi në “Trepçë” dhe gjithçka që thuhet në lidhje me Mitrovicën lidhet me “Trepçën”.
Andaj, pak ka logjikë të thuhet se në “Trepçë” është dyfishuar prodhimi, ndërsa fitimin e shpenzojnë duke ua paguar serbëve rrymën! Safet Krivaça /Kosovarja/
