Kryeministri Edi Rama, edhe një herë i tha Kosovës nga Ohri që të mos humbë kohë por t’i bashkohet nismë së Ballkanit të Hapur.
“Më vjen shumë mirë që sot jemi 5, pavarësisht hezitimeve të mëparshme. Do të dëshiroja që të ishim 6 dhe dëshiroj që të jemi gjashtë.
Pikërisht sepse është i njerëzve, Ballkani i Hapur as nuk ndalet as nuk mbyllet.
Kush i kundërvihet është i destinuar të zhgënjehet, kush nuk bashkohet, është destinuar të humbë kohë të çmuar nga kjo nismë.
Ne do të vazhdojmë të jemi këtu, sepse asnjë nga vendet tona nuk e kemi përzgjedhur të jetojmë këtu.
Kemi parë histori duke qëndruar me kurriz nga njëri tjetri dhe duke luftuar njëri tjetri dhe fëmijët tanë meritojnë një hapësirë ku natyra i ka dhënë gjithë këtë bukuri, të jetë e ngritur mbi paqen, mbi sigurinë dhe mbi prosperitetin”, tha Rama.
