Regjistrohet rasti i parë i variantit të ri me koronavirus edhe në Gjermani

Një variant i ri i koronavirusit, i cili po përhapet me shpejtësi në Britaninë e Madhe, u zbulua gjithashtu në Gjermani, njoftoi sot provinca gjermane e Baden-Württemberg.

Personi i infektuar fluturoi në Frankfurt nga Britania më 20 dhjetor për të vizituar të afërmit dhe mori një rezultat pozitiv të testit pas mbërritjes, njoftoi Ministria e Shëndetësisë e provincës gjermane jugperëndimore në Twitter, raporton Reuters.

Personi u mor nga aeroporti nga anëtarët e familjes dhe që atëherë është izoluar në rezidencën familjare, shtoi ministria.