E bukur, tërheqëse, por shpesh edhe misterioze. Angelina Shala është femra që sa herë rikthehet me ndonjë projekt ose thjeshtë për të thënë diçka, ngjallë kureshtjen e publikut të gjërë. Biznes-woman dje artistja e afirmuar, shpesh është përfshirë në vorbullat e thashethemeve, por i ka kaluar me një buzëqeshje të lehtë, ndoshta edhe nënkuptuese. Çfarë ka për të thënë më shumë? Lexoni në “Kosovare”.
-Ku je Angelina, pse ke humbur?
Po i përkushtohem punës, hobive dhe jetës private.
-Si po ecën jeta, puna…?
Shumë mire, madje ndoshta më mirë se që e kam planifikuar. Jam shumë e lumtur për rrjedhën e gjërave dhe punëve në jetën time.
-Po dashuria si po ecë, apo nuk ke dëshirë të pyesim për këtë gjë?
Mendoj që më mirë është që kjo pjesë të mbetet private. Disa gjëra nuk kanë nevoj të thuhen patjetër, aq më tepër me fjalë të mëdha.
-Sot si e sheh, si e mendon mashkullin ideal?
Atë që e kam. Nuk kisha dashur kurrë më shumë.
-Nëse do të ktheheshe në të kaluarën, çka do të bëje edhe një herë me dëshirë?
Them të drejtën, asgjë.
-Ndërkohë, a ka diçka që nuk do ta përsërisje nga e kaluara?
Jo, asgjë. Çdo gjë që kam bërë, e kam bërë me dëshirën dhe vendimin tim.
-Suksesi yt me i madh ne jete?
Që jam këtu ku jam sot.
-A mendon ti kthehesh sërish muzikës?
Në të vërtet, muzikë për mua është vetëm një hobi. Nuk ka qenë ndonjëherë qëllim në vetvete.
-U bëre e njohur edhe si aktore, a do të shohim në projekte të reja?
Filmat në të cilët kam luajtur janë në montazh dhe ende nuk janë publikuar. Të shohim se çfarë ofertash do të ketë në të ardhmen dhe nëse do të jenë të kënaqshme, atëherë pse jo.
-Një dëshirë që ka mbetur e pa realizuar?
Krejt çka unë dua, i realizoj. Uroj që edhe të gjithë njerëzit të kenë mundësi ti plotësojnë dëshirat e tyre.
-Një person pa të cilin nuk mundesh?
Vajzat e mija, pasi pa to nuk e paramendoj jetën.
-Një mendim me të cilin e nise dhe e mbyll ditën?
Porosia.
-Mesazhi?
Vlerësojeni vetën më shumë se çdo gjë tjetër.
Nderim Neziri
