Drejtori i Inspeksionit në Komunën e Prishtinës, Florian Dushi, për IndeksOnline tregoi se këtë mëngjes janë duke liruar një hapësirë të uzurpuar që 20 vite, përballë Kuvendit të Kosovës.
Dushi bëri të ditur se ajo është pronë e komunës, dhe nuk duhet të shfrytëzohet nga persona që nuk kanë të drejtë të shfrytëzojnë.
“Drejtoria e Inspeksionit është duke ekzekutuar një vendim të drejtorisë së pronës për lirimin e parcelave komunale brenda asaj hapësire, është bëre evidentimi nga ana e drejtorisë së pronës paraprakisht, është nxjerrë vendimi prej drejtorisë qendrore dhe ne jemi në fazën e ekzekutimit të atij vendimi, të atij lokacioni për t’u mos shfrytëzuar edhe më tutje nga personat që nuk kanë asnjë të drejtë të shfrytëzojnë pronën e komunës”, ka thënë Dushi për IndeksOnline.
Ndërsa, se për çfarë do të shfrytëzohet më pas ajo hapësirë, Dushi tha se nuk është pjesë e drejtorisë së Inspeksionit.
