Këngëtarja me rrënjë nga Kosova e famë ndërkombëtare, Rita Ora, është parë afër tenistit të njohur serb, Novak Gjokoviq, në mbrëmjen e së shtunës, teksa kanë ndjekur nga afër finalen e Kupës së Botës në ragbi.
Në rrjete sociale kanë nisur të shpërndahen të madhe pamjet nga momenti kur kamerat kishin fokusuar Orën dhe Gjokoviqin duke shijuar ndeshjen.
Ora është e shoqëruar nga bashkëshorti Taika Waititi.
Rita Ora është ambasadore nderi e Kosovës, ndërsa Gjokoviqi njihet si nacionalist serb, që madje herën e fundit u doli në përkrahje pjesëtarëve të vrarë të grupit terrorist, që sulmuan Policinë e Kosovës në Banjskë të Zveçanit më 24 shtator.
Novak Djokovic just got caught out in the crowd with Rita Ora 😂😂😂😂 pic.twitter.com/m9hLZ7ohfu
— Hammers HQ ⚒️ (@Hammers_HQ) October 28, 2023
Finalja në mes të Zelandës së Re dhe Afrikës së Jugut po luhet në Francë.
