Sigurisht se është ndër emrat e shumtë shqiptarë që na bënë krenarë, shkruan Kosovarja.
Robin Krasniqi do të përballet sërish me Dominic Boesel, për ta ruajtur titullin “kampion” që fitoi para një viti, ku në raundin e tretë mposhti kundërshtarin në fjalë.
Thuajse në të gjitha intervistat që ka dhënë për mediet në vend, ka shprehur shumë pozitivitet dhe motivim, të cilat i sollën fitoren e titullit kampion bote në IBO dhe WBA në peshat gjysmë të rënda.
Për Robinin fitorja është obligim, shprehet kështu duke përmendur përgatitjet e shumta për të cilat tregon se ka dhënë maksimumin që edhe kësaj here gjithçka të shkojë siç duhet.
Poashtu, Krasniqi nuk e lë anash mbështetjen nga bashkatdhetarët e shumtë të cilët shpreson se do t’i gëzojë me fitoren e radhës më 9 tetor të këtij viti.
Titulli që boksieri shqiptarë mori para një viti e bëri atë edhe më të fortë, duke përmbushur edhe më shumë pasionin për sportin që ushtron, e që shpresojmë ta shohim sërish në majat e suksesit./Kosovarja/