Këngëtarja e njohur shqiptare, Jonida Maliqi, po e shijon në maksimum lidhjen e saj me aktorin Romeo Veshaj.
Ky i fundit ka publikuar së fundmi në rrjetin social Instagram disa fotografi të përbashkëta të çiftit, ku shfaqen mjaft të utur krah njëri-tjetrit.
Dyshja këtë herë kanë pozuar së bashku gjatë një darke romantike në plazh, teksa buzëqeshja në fytyrat e tyre tregon për harmoninë që mbizotëron në çift.
Të veshur në të bardha, Jonida dhe Romeo dukeshin mjaft elegantë, teksa pozuan pranë darkës romantike me qirinj.
Aktori i njohur nuk i kurseu disa fjalë zemre në mbishkrimin e këtyre imazheve që ndau me ndjekësit e tij në rrjetin social Instagram.
“Ti buzëqesh, buzëqeshi edhe unë…kështu funksionin”, shkroi Romeo përbri fotografive.
Çifti në fjalë kanë qenë shumë të komentuar në media që nga viti i kaluar, ndërsa tani i kanë më të shpeshta paraqitjet e përbashkëta në rrjetet sociale.
https://www.instagram.com/p/CEU6dmBpyUU/?utm_source=ig_web_copy_link
