Këngëtarja e njohur, Ronela Hajati, nuk ka qenë shumë aktive gjatë vitit që lamë pas. Ajo është shprehur më herët se nuk dëshironte që projektet e saj muzikore t’i publikonte në një vit aq të vështirë, si 2020.
Por pavarësisht kësaj, Ronela sigurisht që ka punuar për këngët e reja dhe shumë shpejt ajo do të vijë për fansat e saj me projektet që me zor po i presin.
Përmes postimeve të ndryshme në rrjetet sociale, ajo ka paralajmëruar se në mars të këtij viti, do të rikthehet fuqishëm dhe nuk e ka në mend që të ndalet. “Rron” do të jetë kënga e parë që mund të publikojë të parin.
Ndërkohë dje, Ronela ka bërë një status të gjatë në “Instagram” ku tregon se si ka qenë viti 2020 për të. Këngëtarja shprehet se viti i shkuar ka qenë një nga më të këqijtë për të dhe se ka qenë shumë të pakta momentet kur është ndjerë vërtetë e lumtur.
