Kryeministri i Kosovës Avdullah Hoti, pardje ishte në siklet të madh.
Gati secilit deputet i ka dhënë shpjegime veç e veç për takimin me Vuçiqin në Bruksel.
Ndonëse i papërtueshëm për t’u ngritur e ulur në vendin e tij të kryeministrit, shpjegimi nuk i ka bërë punë, që deputetët të pranojnë bile diçka nga arsyetimet e Hotit.
Por, kush janë deputetët tanë?
Normal , jo të gjithë, por me përjashtime, sepse ka edhe deputetë të përgjegjshëm që janë në nivel të detyrës.
Ka disa seanca të Kuvendit të Kosovës që nuk kanë kuorum për votim.
Ku janë deputetët?
Për disa po e dimë që janë me grip pandemik, por nuk janë në numër aq sa të mos ketë kuorum. Deputetët shkojnë,nënshkruhen për ta marrur mëditjen dhe benificionet tjera që lidhen me seancat dhe komisionet parlamentare, e më pas dalin, ikin nëpër kafene apo në piknikë dhe nuk kthehen deri në përfundimin e seancave.
Kush i paguan ata deputetë?
Përveç se nuk vinë në seanca dhe nuk dihet kush pse flet dhe për kë flet aty, ata siç thonë fëmijët “kujt ia gjejnë hallin ,nuk ja ndalin zullumin”!
Do t’i përfshijmë disa gjëra dhe sekuenca që janë folur aty për të parë se, a kanë haber ata deputetë me rendin protokollar të Brukselit dhe qendrave diplomatike në botë.
Deputetja Fitore Pacolli, më e “ zëshmja” e kuvendit nga radhët e VV-së, e qorton kryeministrin me vendin ku ishte ulur ai. E qorton ende më shumë për gjoja nënshtrimin te Vuçiqi dhe mungesë të performancës së përfaqësimit.
Në Bruksel nuk mund të uleni ku doni ju dhe të zgjidhni ulësen ,sepse nikoqiri e zgjedh vet edhe për Vuçiqin dhe për Hotin.
E qortonin kryeministrin Hoti, pse nuk e ke marrë në tryezë ministrin e Drejtësisë, Selim Selimin . Edhe për këtë, më kot e arsyetoi kryeministri, se “ishte takim 1+1 që don të thotë mes dy vetave që përfaqësojnë Kosovën dhe Serbinë.
Kujt t’i tregosh se si ulen palët në Bruksel?
Kërkuan llogari e llogari këta të VV-së duke krijuar shumë e shumë konspiracione që janë insinuate e jo realitete.
Çdo diskutim nga dhjetë minuta për ta qortuar Hotin, gati që kishte të njëjtën anë të sallamadisë. Pra, pyetje pa lidhje.
Nëse do të flisnim për përmbajtjen e pyetjeve që i shtruan deputetët kryeministrit, ato mund të rekapitulohen me ketë formulim:
“Na thuaj ti, çka ke fol me Vuçiqin ?
Na thuaj, më shumë , a u fol edhe për territore ?
Na thuaj , çka u fol për të pagjeturit dhe çka u fol për gjoja të dëbuarit serbë pas luftës?
Pra ,pyetje policore.
Hoti doli disa herë dhe ua sqarojë, se çka ishte folur. Ndoshta , ajo çka nuk e ka shpjeguar ishte, se çka është folur në pikën e të zhvendosurve serbë nga Kosova pas luftës.
Ai u mundua të jep shpjegime në çdo pikë dhe për çdo detaj duke garantuar zbatim kushtetutshmërie dhe transparencë për bisedimet .Duke pranuar madje edhe rezolutë të kuvendit që ndalon hapjen e temave të tilla dhe që lejon vetëm biseda për njohje përfundimtare.
Por, kot!
Ata as nuk mjaftoheshin me shpjegimin e detajeve të kryeministrit nga biseda në Bruksel, as nuk mjaftoheshin me formulimin e një rezolute që ia ndalon Hotit çdo bisedë tjetër pos marrëveshjes përfundimtare.
Po çka duan këta deputetë?
Këta duan që Hoti ta lë pozitën dhe të ik në shtëpi.
Pse nuk po e thonë këtë?
Këta duan të bëjnë kuvend sallamadie që i përkrah në masë edhe paria e Kuvendit të Kosovës, meqë zonja Osmani tani ndihet e dëshpëruar që e paskësh lavdëruar më vitin 2017 Avdullah Hotin, dhe tek pasi e paska “ ngrënë një thes krip me te” , e ka njohur Avdullah Hotin.
Çka po duan këta deputetë?
As këta vet nuk e dinë. Shumë prej tyre nuk kanë kulturë elementare politike për debat e as për kuvend.
Shumica e tyre tregojnë përralla nga libri i Nastradin Hoxhës.
Me gjasë u ka dhënë partia literaturë me të bëmat e Nastradinit dhe ata mundohen ta lidhin jetën politike të këtij parlamenti me anekdotat e Nastadinit që nuk dihet kur kanë ndodhur.
Kur e dëgjon njeriu këtë parlament që maltreton qytetarët e Kosovës me nga 10 e 12 orë debat pa krip, nuk ke si të mos e arsyetosh Hashim Thaçin që flinte gjatë diskutimeve, veçmas , të VV-së edhe dukej i relaksuar në fund të seancës.
Nuk ke kujt t’i përgjigjesh!Njerëz, popull, ja ku kemi mbërri . Kemi ardhë në pozitë të dëgjojmë deputetë që nuk i donë as shtëpia e vet! Safet Krivaca /Kosovarja/
