Alba ka mbyllur rrugëtimin e saj në shtëpinë e Big Brother VIP Kosova. Megjithëse ajo u largua gjatë natës, banorët u njoftuan zyrtarisht vetëm pak më parë përmes një zarfi që u lexua nga Hygerta.
“Në orën 03:00 të mëngjesit, Alba ka lënë shtëpinë e BBVK, i urojmë suksese dhe fat në vazhdimin e saj”, ishte njoftimi i prerë i “Vëllait të Madh” që habiti një pjesë të konkurrentëve.
Pas leximit të njoftimit, banorët nisën të diskutonin menjëherë mbi mënyrën e largimit të saj dhe peshën që ajo kishte në lojë.
Londrimi u shpreh se Alba ka qenë një lojtare e fortë dhe, për këtë arsye, meritonte një dalje më ndryshe nga shtëpia. Sipas tij, kontributi i saj në lojë duhej të vlerësohej me një largim më dinjitoz.
Suanita, nga ana tjetër, vuri në dukje se Alba “doli keq” në raport me gjithçka që kishte dhënë për formatin. Ajo theksoi se Alba ishte investuar shumë në dinamikat e shtëpisë dhe loja e saj ishte mjaft intensive.
Aurora ishte edhe më e drejtpërdrejtë në vlerësimin e saj. Ajo deklaroi se Alba e kishte merituar plotësisht finalen e madhe, duke e cilësuar largimin e saj si një humbje për garën.
View this post on Instagram
