Sekretari i Përgjithshëm i NATO-s të hënën në Kosovë

Sekretari i Përgjithshëm i NATO-s, Jens Stoltenberg nis të shtunën një vizitë 3 ditore në Ballkanin Perëndimor, ndërsa të hënën do të jetë në Kosovë ku do të takohet me presidenten Vjosa Osmani dhe kryeministrin e Kosovës, Albin Kurti.

Burime të Indeksonline brenda institucioneve të vendit thonë se sekretari i Përgjithshëm do të qëndrojë edhe në Kosovë.

“Do të ketë diskutime me znj. Vjosa Osmani-Sandriu dhe z. Albin Kurti. Ai gjithashtu viziton kampin Nothing Hill të KFOR-it të NATO-s, ku do të takohet me komandantin e KFOR-it, gjeneralmajor Ulutaş dhe do t’u drejtohet trupave. Ai do të takohet gjithashtu me Drejtorin e Ekipit Këshillues dhe Ndërlidhës të NATO-s, gjeneral brigade Hammerstein”.