Selini i bën kurioz ndjekësit, a ndodhet në vendlindjen e Gimbos?

Selin Bollati, fituese e edicionit të pestë të “Big Brother VIP Albania”, ka tërhequr sërish vëmendjen e publikut me një postim të fundit në rrjetet sociale.

Ajo ka qenë në qendër të vëmendjes ditët e fundit edhe për raportin e saj me DJ Gimbo, lidhje që nisi gjatë qëndrimit në shtëpinë e BBVA, shkruan “Kosovarja”.

Pas përfundimit të spektaklit, dyshja nuk u panë së bashku as në “Post Big Brother”, duke lënë të paqartë vazhdimësinë e marrëdhënies së tyre.

Megjithatë, një zhvillim i fundit ka shtuar dyshimet se kontakti mes tyre mund të vazhdojë jashtë kamerave.

Në një Instastory të publikuar së fundmi, Selini ka ndarë një fotografi në natyrë, e cila sipas ndjekësve ngjan me zonën e Istogut, vendlindjen e DJ Gimbos.