Sfida vdekjeprurëse me paracetamol që të rinjtë po bëjnë në Tik-Tok

Paracetamol Challenge ka krijuar një situatë alarmante për tendencën e re të fëmijëve në Tik-Tok. Kush merr më shumë tableta apo pluhur? Kush duron më shumë? Kush arrin më gjatë t’i rezistojë shtrimit në spital? Ai fiton sfidën. Po në të njëjtën kohë mund të vdesë.

Paracetamoli, si analgjetik ka një efekt qetësues ndaj dhimbjes apo uljes së temperaturës, por në sasi të mëdha, sidomos për fëmijët nën 14 vjeç është helmues.

Ata rrezikojnë shkatërrimin e mëlçisë dhe nevojën për transplant.

Një rast vitin e kaluar përfundoi tragjikisht për një të ri që iu bashkua sfidës.

Në Itali grupe këshillimi janë ngritur në terren.

Shqipëria është në fazën që po e mbyll Tik-Tok-un pikërisht për shkak të mungesës së filtrave.