Shaqir Cërvadiku – zëri që frymëzoi ushtarët, tani pjesë e filmit “Pranvera e Përgjakur”

Në xhirimet e filmit artistik “Pranvera e Përgjakur” nga regjisori Ganimet Bytyqi Lalushi, përveç aktorëve të njohur, pjesë e skenave është edhe këngëtari i mirënjohur Shaqir Cërvadiku.

Me zërin e tij të fuqishëm dhe këngët që mbajnë gjallë shpirtin kombëtar, Cërvadiku kujtohet nga shumë ish-ushtarë të UÇK-së si një frymëzues i madh gjatë luftës. Këngët e tij, të kënduara edhe në vijën e frontit, u jepnin kurajë dhe forcë luftëtarëve në momentet më të vështira.

Tani, ai e sjell këtë frymë edhe në ekran, duke u bërë pjesë e një projekti që rikthen kujtimet e pranverës së përgjakur të vitit 1998, kur populli shqiptar përjetoi vuajtjet dhe masakrat e kryera nga forcat serbe.