Shenjtaria Katana në Obiliq, ka dalë me njoftim zyrtar lidhur me rastin e plagosjes me armë zjarri të një 24-vjeçari, i cili më pas ka vdekur në QKUK, pasi nuk ka mundur t’i mbijetojë plagëve të marra në kokë.
Përmes një reagimi në llogarinë e saj në Facebook, kjo shenjëtari ka thënë se personi në fjalë ka bërë vetëvrasje.
“Me qëllim te informimit të drejtë dhe me qëllim të parandalimit të thashethemeve dhe dezinformatave të shumta, e duke pasur respekt ndaj privatësisë se personave te përfshirë në ngjarje, njoftojmë opinionin se para pak kohesh, në poligonin e shenjëtarisë ka ndodhur një vetëvrasje e qëllimshme”, thuhet në reagim.
Tutje theksohet se ngjarja ka ndodhur përkundër faktit se janë zbatuar të gjitha procedurat standarde të sigurisë.
“Kërkojmë nga të gjithë, e sidomos mediat që të kujdesen për mënyrën e informimit dhe të kenë respekt ndaj familjes së të ndjerit”, thuhet tutje.
“Çfarëdo informate rreth këtij rasti, do të merrni nga zyrtarët përkatës të Policisë se Kosovës”, thuhet në fund.
Lidhur me rastin policia ende nuk ka dhënë konfirmim zyrtar
