Biznesmenet e njohura, Shkenda Dubova dhe Aida Troka, mbrëmjen e kaluar ishin të ftuara speciale në hapjen e bar & lounge “Naga” në Tiranë.
Në një atmosferë të bukur festive, të veshura me plotë stil dhe elegancë, Shkenda dhe Aida, mbrëmë shkëlqyen si mysafire speciale në hapjen e bar & lounge “Naga” në Tiranë, ku nuk munguan edhe figura të tjera të show bizit shqiptar.
Aida Troka, një emër shumë i njohur show bizi, që nga pjesëmarrja e saj e bujshme në “Big Brother Albania 2”, si një vajzë e re intelektuale, e shkathët dhe me plotë pasione e ambicie për të ardhmen, arriti që shumë shpejt të bëhej protagonistja më e dashur për publikun, duke fituar zemrën e shumë fansave të atij spektakli, e që akoma dhe sot, vazhdon ta mbajë rreth vetes simpatinë dhe adhurimin e tyre.
Nga ana tjetër, jo më pak, edhe femra e art… biznesmenia, Shkenda Dubova, njihet për sukseset e saj të pafundme me biznesin e qendrave të dobësimit.
Kurse, Aida, tashmë përveçse një figurë shumë e dashur publike, njihet edhe për veprimtarinë e saj si biznesmene e fuqishme dhe menaxhere e suksesshme e njërës prej qendrave më të mëdha estetike në Shqipëri, Allure Beauty.
Të bukura, me linja perfekte e plotë sharmë, Shkenda dhe Aida, e zbukuruan hapjen solemne, si të ftuarat speciale të bar & lounge “Naga” në Tiranë.
