Shqiptari në Shkup me karrocë invalidore njofton se diskriminohet nga shteti deri në këtë pikë

Burhan Bekteshi, qytetar i Shkupit që përdor karrocë invalidore, ka ngritur një ankesë publike ndaj Ndërmarrjes Publike të Transportit, duke akuzuar një shofer të linjës nr. 19 se disa herë ka refuzuar ta marrë në autobus dhe madje e ka kërcënuar.

Ai thotë se për shkak të kësaj ka mbetur në rrugë, ka humbur orarin e punës dhe rrezikon vendin e punës. Bekteshi kërkon pezullimin e shoferit, masa mbrojtëse për personat me aftësi të kufizuara dhe përgjegjësi institucionale, shkruan “Kosovarja”.

“Kjo nuk është vetëm ankesë, por thirrje për drejtësi”, thekson ai në apel.