Vija bregdetare është mbushur me pushues në këtë fillim gushti.
Pas zjarreve për katër ditë me radhë, situata i është rikthyer normalitetit në Shengjin.
E gjitha vija bregdetare e Shëngjinit nga Rana e Hedhur deri në Kune është mbushur me pushues. Ata thonë se nuk ka asgjë për tu shqetësuar, pasi gjithçka është tejkaluar dhe Shëngjini është një perlë e bregdetit të Adriatikut.
“Pas shiut, përherë del dielli, çdo gjë në rregull është normalizuar, qetësuar. Në bregdet është qetësi”, është shprehur një pushues.
“Jemi shumë të qetë se çdo gjë është rregulluar në kohën e duhur, qetësia është absolute, siguria është prezente. Na vjen keq për situatën, por jemi në rregull, ka thënë një pushuese tjetër.
Zjarret që përfshinë Shëngjinin gjatë kësaj jave krijuan frike dhe panik tek pushuesit, një pjesë e konsiderueshme e të cilëve u larguan nga kjo zonë turistike në pikun e sezonit.
