185
Ka ndërruar jetë në moshën 90-vjeçare aktorja italiane Sandra Milo.
Këtë e ka bërë të ditur familja e saj të hënën. Milo u bë e njohur kryesisht për rolin e saj në filmin Otto e mezzo të regjisorit Federico Fellini, transmeton Indeksonline.
Milo vdiq nga pleqëria në shtëpinë e saj në Romë.
Aktorja konsiderohej si një nga yjet më të rëndësishme të filmit të viteve 1950 në Itali.
Ajo luajti në Otto e mezzo (1963) së bashku me aktorin Marcello Mastroianni. Ky rol i dha edhe famë ndërkombëtare. Pas përfundimit të karrierës së saj kinematografike, Milo herë pas here shfaqej në televizion si prezantuese.
